When the nightegale singes,
And the wodes waxen grene:
Lef and grass and blosme springes
In Averil, I wene;
(And) love is to min herte gon
With one spere so kene:
Night and day my blod it drinkes;
Min herte deth me tene.
Ich have loved all this year
That I may love namore;
Ich have siked mony sik,
Lemmon, for thin ore.
Me nis love never the ner,
And that me reweth sore.
Swete lemmon, thench on me:
Ich have loved thee yore.
Swete lemmon, I preye thee
Of love one speche.
Whil I live in world so wide
Other nulle I seche.
With thy love, my swete leof,
My bliss thou mightest eche:
A swete cos of thy mouth
Mighte be my leche.
Swete lemmon, I preye thee
Of a love-bene;
If thou me lovest, as men says,
Lemmon as I wene.
And if it thy wille be,
Thou loke that it be sene.
So muchel I thenke upon thee
That all I waxe grene.
Averil Lyrics performed by Mediæval Bæbes are property and copyright of the authors, artists and labels. You should note that Averil Lyrics performed by Mediæval Bæbes is only provided for educational purposes only and if you like the song you should buy the CD