N'albero piccerillo aggiu piantato,
Criscènnolo cu pena e cu sudore
Na ventecata giá mme ll'ha spezzato
E tutte ffronne cágnano culore
Cadute só' giá 'e frutte: e tutte quante,
Erano doce, e se só' fatte amare
Ma 'o core dice: "Oje giuvinotto amante,
'e ccose amare, tiénele cchiù care"
E amara comme si', te voglio bene!
Te voglio bene e tu mme faje murí
Era commo canario 'nnammurato,
Stu core che cantaje matina e sera
"Scétate!" - io dico - e nun vò' stá scetato
E mo, nun canta manco a primmavera!
Chi voglio bene nun mme fa felice:
Forse sta 'ncielo destinato e scritto.
Ma i' penzo ca nu ditto antico dice:
"Nun se cummanna a 'o core". E i' mme stó' zitto!
E mme stó' zitto, sí...te voglio bene
Te voglio bene e tu mme faje murí
Canzona Appassiunata Lyrics performed by Mina are property and copyright of the authors, artists and labels. You should note that Canzona Appassiunata Lyrics performed by Mina is only provided for educational purposes only and if you like the song you should buy the CD