M-ta lembra dizaséti ánu
Na nha moráda ka tinha
Minina di koxa rodóndu
Sima mi !
Diâ dimingu, Sam Dimingu
Na mei di misa,
M-panhâ-l ta djobê-m,
Ku rabáda m-djobê-l
Ta djobê-m !
Nem pa kumunga
Koráji ka da-m
Nhu purdâ-m, Nhordés
Nhu purdâ-m !
Déntu-mi xeiu-kontentésa
Ku gána da ka ta da,
Má na fim tem ki da
Nha nobrésa é igual.
Nem pa kumunga
Koráji ka da-m
Nhu purdâ-m, Nhordés
Nhu purdâ-m !
Di bólta pa kása ta bai
Entri fodjáda ku stráda,
Kombérsu más sábi na mundu ka tem
Ah, ah, ah
Nha nobrésa di meu !
Nha Nobréza Lyrics performed by Mayra Andrade are property and copyright of the authors, artists and labels. You should note that Nha Nobréza Lyrics performed by Mayra Andrade is only provided for educational purposes only and if you like the song you should buy the CD