Go To Top

Rumet Uz Die Schäemel Und Die Stüele Lyrics

Rumet uz die schäemel und die stüele
Heiz die schragen
Würder tragen
Hinte sul wir tanzens werden müeder
Werfet uf die stuben, so ist es küele
Daz der wint
And diu kint
Sanfte waege durch die übermüeder
So die voretanzer denne swigen
So sult ir alle sin gebeten
Daz wir treten
Aber ein hovetänzel nach de gigen

Los zu, ich hoer in der stuben tanzen
Junge man, tuot iuch dan
Da ist der dorfwibe ein michel trünne
Da gesach man michel ridewanzen
Zwene gigen
Do si swigen
Daz was geiler getelinge wünne
Seht, do wart ze zeche vor gesungen
Durch die venster gie der galm
Adelhalm
Tanzet niwan zwischen zweien jungen

Gesaht ir ie geburen so gemeiten
Als er ist
Wisse krist
Er ist al ze vorderst anme reien
Einen Vessel zweier hende breiten
Hat sin swert
Harte wert
Dunket er sich siner niuwen treien
Diust von der kleinen vier und zweinzec tuochen
Die emel gent im uf die haut
Sin gewant
Sol man an ein oeden kragen suochen

Vil dörperlich stat alles sin gerüste
Daz er treit
Mirst geseit
Er sinn engelboltes tochter Aven
Den gewerb erteil ich im ze vlüste
Si ist ein wip
Daz ir lip
Zaeme wol ze minnen einen graven
Da von laze er des wissen taugen
Zech er anderthalben hin
Den gewin
Trüege er hin ze Meinze in sinen ougen

Rumet Uz Die Schäemel Und Die Stüele Lyrics performed by Ougenweide are property and copyright of the authors, artists and labels. You should note that Rumet Uz Die Schäemel Und Die Stüele Lyrics performed by Ougenweide is only provided for educational purposes only and if you like the song you should buy the CD


What is the meaning of Rumet Uz Die Schäemel Und Die Stüele lyrics?