esch isch Herbscht worde im Garte
u es wird langsam chaut dert uss
u d'Schwaube flüge gäge Süde
u d'Schpinnele wei i ds Huus
u i mache ne ke Vorwurf
söue sie cho we sie wei
bi mir het's längschtens Platz für die
u i finge d'Schipinnele okay
i ha no nie öppis gäg die gha
nid emau aus Ching
i ha auber ender Schiss gha vor de Lüt
u vor de lute Hüng
aber d'Schpinnele si ir Ornig
i weiss gar nid rächt wieso
viellech bin i einisch säuber eini gsii
wär weiss das scho
bi mir chöi sie's chli gmüetlech näh
we dr Wind vorusse geit
viellech wenn i jitz e Mugge wär
hatt i mr's no einisch überleit
aber so wie d'Sache liege
gsehn i ke Grund wieso
i finge d'Schpinele okay
die söue nume cho
Schpinnele Okay Lyrics performed by Züri West are property and copyright of the authors, artists and labels. You should note that Schpinnele Okay Lyrics performed by Züri West is only provided for educational purposes only and if you like the song you should buy the CD