En Samsdaachnaach, September wohr 't
Em Saarland, enn 'nem Stadion
Als letzte Band eez kohme mir
Warm-up für die China-Tour
Dä dritte Drummer enn zwei Johr
Op eimohl sooß "dä Wahnsinn" do
Un et jing ab, ich saach et dir
Schrääsch hinger mir
Shanghai un Moskau
Vun Maputo bess Berlin
Wenn Fitzcarraldo trommelt
Will dat jeder sinn
Mir hann jottweiswo jespillt, uns jede Draum erfüllt
"Bühne frei, wat koss die Welt!"
Mer hann uns dropjestellt, un du häss ahnjezällt
Schrääsch hinger mir
Uns op dä Bühn jestellt, un du häss ahnjezällt
Schrääsch hinger mir
Noh all dä Johre op dä Strooß
Hatts sujar du ir'ndwann jenooch
Vun Autobahn, Hotel un Bühn
Du wollts ding Pänz opwahße sinn
Hey Fitzcarraldo
Ey, du kleine Zinnsoldat
Du häss su manche Sonnenstrahl
Enn su manche Seel jebraat
Mir hann off Träne jelaach, die Naach zum Daach jemaht
Nit övver Morje nohjedaach
Uns op die Bühn' jestellt, un du hass ahnjezällt
Schrääsch hinger mir
All die Johre hinger mir
Dank dir dofür
Schrääsch Hinger Mir Lyrics performed by BAP are property and copyright of the authors, artists and labels. You should note that Schrääsch Hinger Mir Lyrics performed by BAP is only provided for educational purposes only and if you like the song you should buy the CD