Op demm Wäch in de Stadt
Op dä schöne Promenad
Soh ich ne Mann un dä kom wohl grad eeets ahn
Schwatze Hoor - ahle Jack
Pappkarton un ne Sack
En demm wore wohl sing janze Saache dren
Hä bliet ston - luurt mich ahn
Weiss nit wo he hinjehüürt
Un sing Auge die stelle mir die Frog:
Wann jeiht dr Himmel uch för mich widder op
Wann jeiht dr Himmel widder op ?
Wann schingk de Sonn ens widder
Simmer denn nit all he Bröder?
Wann jeiht dr Himmel widder op?
Op demm Wäch in de Stadt
Op dä schöne Promenad
Wod mir klor: Mer han vell zo lang jewaadt
Övverall die Nazi-Sprüch
Die nackte Angs' hätt mich erwisch'
Mir hann vell zo lang de Muul nit opjemaat
Braune Wolke' övverm Land
Jestern David hück dä Asylant
Un alle stelle uns dieselve Frog:
Wann jeiht dr Himmel uch för mich widder op
Wann jeiht dr Himmel widder op ?
Wann schingk de Sonn ens widder
Simmer denn nit all he Bröder?
Wann jeiht dr Himmel widder op?
Wann Jeiht Dr Himmel Widder Op? Lyrics performed by Höhner are property and copyright of the authors, artists and labels. You should note that Wann Jeiht Dr Himmel Widder Op? Lyrics performed by Höhner is only provided for educational purposes only and if you like the song you should buy the CD