Ar c'havaned zo aet pell zo da gousket en tour,
Hag an heol splann zo aet pell zo en tu-hont d'ar bed.
Mouget eo sklerijenn an deiz...
Nemet em c'hambr, ur gouloù war enaou a vev,
Em spered, ur gouloù
Edon va ene, ur gouloù war enaou a vev.
O Sklaerder-diabarzh, te ken tost d'ar peurbad!
Er-maez eo ar goañv, dibourc'h ar gwez, revet ar bleuñv
Ar vougasenn fenozh a ren gant he dalc'h spontus;
Nemet em c'hambr war va burev,
Ez eus ur flammel ruz en he bleunioù.
Hag em c'halon ivez ur flammel ruz en he bleunioù,
Em ene kuzh, ur flammel ruz en he bleunioù.
0 Buhez er c'hevrin, te ken tost d'ar peurbad!
O' Peoc'h. N'eus nep trouz:
Tamolodet eo ar bed en e gousk;
An evned-kazh zoken ne c'harmint ket fenozh.
Hag em c'hambr, n'eus ken trouz;
Em spered n'eus ken trouz.
Stêr vras va soñjoù-den a hañval chom digas,
Didrouz!
Nemet e don va ene kuzh e klevan ur mouskan,
Ur vouezh sklintin,
Mouezh ur stivell, 0 Va fedenn!
0 son ar vuhez-se, son ken tost d'ar peurbad!
An Eur-Se Ken Tost D'Ar Peurbad Lyrics performed by Alan Stivell are property and copyright of the authors, artists and labels. You should note that An Eur-Se Ken Tost D'Ar Peurbad Lyrics performed by Alan Stivell is only provided for educational purposes only and if you like the song you should buy the CD