Chaidh mi'n dè dhan choille Challtainn
Shireadh chnòthan airson biadh
Ach 'se bh'air a h-uile geug ach
D'aodann-sa gam thriall
Chaidh mi'n dè gu tràigh a' mhaoraich
Lòn de choilleagan a bhuain
Nochd a h-uile slige neamhnaid
D'àilleachd-sa a-luaidh
Chaidh mi staigh dhan aon taigh-òsda
Son do sgiùrsadh as mo cheann
H-uile glainne thog mi thaom do
Mhaiseachd aist' na deann
Chlaon mi tràth a-raoir dham leabaidh
Thusa ruagadh as le suain
Ach cha tug thu cead dhomh cadal
Gus an dèanainn duan
Dh'iarrainn-sa bhith saor od thòireadh
Ach gu bheil sinn roinnt' o chèil'
Do chumadh bhith an àit' do shamhla
Agam bhios an fhèill
Dh'fhàg thu mi 'nam bhaothair gòrach
Bòdhradh chàirdean le do chliù
Nuair a thig thu chì iad nach eil
Mearachd ann am fhiù
Chì iad sgurr a' danns le saobh-shruth
Famh is iolair' anns an ruidhl'
Stamh gu caomh ag altram sùbh-làir
Mireadh mu an sùil
Chì iad mis' is thusa sùgradh
Bil ri bil ar n-anail aoint'
Cniadachadh mar seo gu sìor le
Chéile b' e ar maoin
Breisleach Lyrics performed by Capercaillie are property and copyright of the authors, artists and labels. You should note that Breisleach Lyrics performed by Capercaillie is only provided for educational purposes only and if you like the song you should buy the CD