Quant vient en mai, que l'on dit as lons jors,
Que Franc de France repairent de roi cort,
Reynauz repaire devant el premier front.
Si s'en passa lez lo mes Arembor,
Ainz n'en dengna la chief drecier a mont.
E Raynaut amis, amis Raynaut!
Jal mesfaites, fille d'empereor,
Autrui amastes, si obliates nos.
Sire Raynaut, je m'en escondirai:
A cent puceles sor sainz vos jurerai,
A trente dames que avuec moi menrai,
C'onques nul hom fors vostre cors n'amai
Prennez l'emmende et je vos baiserai.
E Raynaut amis, amis Raynaut!
Jal mesfaites, fille d'empereor,
Autrui amastes, si obliates nos.
Li cuens Raynauz en monta lo degré,
Gros par espaules, greles par lo baudré ;
Blonde et lo poil, menu, recercelé :
En nule terre n'ot si biau bacheler.
Voit l'Erembors, si comence a plorer.
E Raynaut amis, amis Raynaut !
Si s'est assis en un lit point a flors,
Dejoste lui se siet bele Erembors.
Lors recomencent lor premieres amors.
E raynaut amis, amis Raynaut.
Amis Raynaut Lyrics performed by Qntal are property and copyright of the authors, artists and labels. You should note that Amis Raynaut Lyrics performed by Qntal is only provided for educational purposes only and if you like the song you should buy the CD