Goursaw-heol gouañv gant gouloù loar 'dreus red ar c'houmoul loued
D'an New'amser warlec'h kreisteiz en aour al lanneg
E Beg ar Van goude kuzh-heol 'raog nos, er misioù Du
Pa ba' bourc'h Plogoñv da vitin araog dihun an dud
"Ar chass a glewan o harzhal, setu ar soudarded c'hall".
Prest eo ar bobl e penn ar Bed, prest eo hi' wid ar gad diwezañ
'Vo ket 'wid c'hoari 'vel boas, ga'r voger bar c'hein 'vo dic'hrass
Dirag plegmor an Anaon epad nos Kalanna
E chomen mud, torret ma naon, o wel penn Eurasia
Leun oa ma fenn gant hunvreoù Morgan, Isold, Ahes
Gant kleier ilisoù Kêr-Ys ha manati drouizesed
Mallozh, mallozh d'an heñi a gred disakro douar hol lorc'h
Prest eo…Ba' daoulagad an dud'so krog ba' kerreg du Kernew
Dimezo 'ra a neñv ga'r mor, an eñvor o skedo
E peb sellad pell ar c'hornog 'ma oll furnezh ar Bed
Brasset war ar chadenn-buhez diboa geneliezh mab-den
Mallozh, mallozh d'an heñi a gred disakro douar hol lorc'h
Prest eo…
Ba' daoulagad an dud dre'man e chom ur vadelezh don
Dont'ra deus an tri mil kantved, o beaj hir war an hent
E ped lagad e c'haller lenn ur gounar gozh ha leun
Sevel gorreg 'vel un arme divent 'wid 'r gad diwezañ
"Ar chass a glewan o harzhal, setu ar soudarded c'hall!"
Prest eo…
Beg Ar Van Lyrics performed by Alan Stivell are property and copyright of the authors, artists and labels. You should note that Beg Ar Van Lyrics performed by Alan Stivell is only provided for educational purposes only and if you like the song you should buy the CD