Dil kaa bhanwar kare pukaar,
Pyaar kaa raag suno
Pyaar kaa raag suno re
Phool tum gulaab kaa, kyaa shabaab aap kaa
Jo adaa hai woh bahaar hai
Aaj dil kee bekalee, aa gayee zubaan par
Baat ye hai tum se pyaar hai
Dil tumhee ko diyaa re,
Pyaar kaa raag suno re
Chaahe tum mitaanaa, par naa tum giraanaa
Aansoo kee tarah nigaah se
Pyaar kee oochaaee, ishq kee gaharaee
Poochh lo humaaree aah se
Aasamaa chhoo liyaa re,
Pyaar kaa raag suno re
Is haseen utaar pe, hum naa baithhe haar ke
Saayaa ban ke saath hum chale
Aaj mere sang too, goonje dil kee aarazoo
Tujh se mere khwaab jab mile
Jaane kyaa kar diyaa re, pyaar kaa raag suno re
Aap kaa ye aanchal pyaar kaa ye baadal
Phir humein zameen pe le chalaa
Ab to haath thaam lo, ek nazar kaa jaam do
Is naye safar kaa waasataa
Tum mere saakiyaa re, pyaar kaa raag suno re
Dil kaa bhanwar kare pukaar,
Pyaar kaa raag suno
Pyaar kaa raag suno re
--ContriButed By Adnan.I.M
Dil Ka Bhanwar Kare Pukar Lyrics performed by Mohammed Rafi are property and copyright of the authors, artists and labels. You should note that Dil Ka Bhanwar Kare Pukar Lyrics performed by Mohammed Rafi is only provided for educational purposes only and if you like the song you should buy the CD