Supermann ess hellwach, ess jetz ald die dritte Naach,
Dat e' kei Aug zojemaat, ewig nit em Bett.
Nirjendwo un övverall, plappert wie 'ne Wasserfall,
Övverdrieht, durchjeknallt: "... checke, wat affjeht …"
Kleopatra waat duudmööd
Ahn dä Rezeption,
Et deit ihr alles wieh,
Uhreping un Bloot em Schoh.
Un Mona Lisa jrins, als ob et irj'ndjet wöss,
Jedenfalls mieh als all die tätowierte Schöss.
Kaum noch zo erdraare, Schnie jeschöpp wie nie.
Kein Substanz un keine Droppe mieh!
"Hey, do vörre, wiggerjonn! Och du met dä Dornekron,
Dat ess he kein Prozession, da' 'ss en Jeisterbahn!"
Opjekratz, ussjeflipp, ungerwähß om Horrortrip,
Ruude Funke, Dschungelbrööder un dä Ku-Klux-Klan.
Dä Kaiser dräht neu Kleider,
Nä, dat ess jar kein Frooch,
Die stonn ihm unwahrscheinlich –
"Alle Steine fleejen hoch!"
Et räänt Kamelle, vun Pinocchios Balkon
Wink, enn 'ner Gala-Uniform, Napoleon.
Leopardefellbozz, Kajal, Minipli –
Kein Substanz un keine Droppe mieh!
Casanova, Don Quijote, Tarzan, Elvis sinn bankrott,
Paternoster zum Schafott, et ess koot noh vier.
Hannibal un Attila zänke sich öm Afrika,
Asien, un Europa rigg op enem Stier.
Daisy Duck op Stelze,
Slapstick-Rodeo,
Die Band spillt unverfälschte
Bloosmusik uss Jericho.
Wer op sich hält, dä drink Absinth un rauch Zijar,
Die Loreley danz ahn der Stang zo "Wunderbar".
Winnetou fährt Skateboard, Goofy Wasserski –
Kein Substanz un keine Droppe mieh!
Belsazar rejistriert die Flamme ahn der Wand
Un säät: "Ach so, deshalv rüsch et he ahnjebrannt."
Romeo söök Julia un e' Alibi –
Kein Substanz un keine Droppe mieh!
Keine Droppe Mieh Lyrics performed by BAP are property and copyright of the authors, artists and labels. You should note that Keine Droppe Mieh Lyrics performed by BAP is only provided for educational purposes only and if you like the song you should buy the CD