Me’ ’äm Radiowecker fing et ahn,
noch ens erömmjedrieht un dann
rinn enn de Schoh un raff nohm Supermaat,
Zeidung un Brühtche kaufe, flöck.
Och he dieselve Zoot Musik,
die ’sch nur enn Vollnarkos` – wenn övverhaup! – erdraare kann:
Nä, bloß kein Stromjittar,
immer schön höösch un em Format!
Bloß nix, wat Eier hätt,
womöglich wer sing Meinung säät,
die irritiert, wemmer zohührt
– he läuf nur Musik, die nit stührt!
Koot noch nüng op der Autobahn
(Wieso ’ss dat Radio eij’ntlich ahn,
wo ’sch doch enn Rauh Johnny Cash hühre wollt?)
Zum eezte Mohl Phil Collins un
vun jetz aff jede Veedelstund, ’ne Weichjespölte, dä kastratenartig singe kann.
Nä, bloß kein Stromjittar,
immer schön höösch un em Format!
Bloß nix, wat Eier hätt,
womöglich wer sing Meinung säät,
die irritiert, wemmer zohührt
– he läuf nur Musik, die nit stührt!
Ejal, wo ’sch daachsövver och benn,
verfolch mich penetrant Schwachsinn,
sujar Daniela ess erbarmungslos,
Die ’sch eez sick zwei, drei Woche kenn,
bei der ich aff un zo ens penn,
trotz Räucherstäbche, Yin un Yang un Los Paraguayos.
Nä, bloß kein Stromjittar,
immer schön höösch un em Format!
Bloß nix, wat Eier hätt,
womöglich wer sing Meinung säät,
die irritiert, wemmer zohührt
– he läuf nur Musik, die nit stührt!
Musik, Die Nit Stührt Lyrics performed by BAP are property and copyright of the authors, artists and labels. You should note that Musik, Die Nit Stührt Lyrics performed by BAP is only provided for educational purposes only and if you like the song you should buy the CD