är isch tatsächlech sehr e geile Siech
aber är isch ganz e schlimme Finger
scho wo‘n‘ech ds erschte Mau ha zäme gseh
du bisch mit ihm zu dere Tür iicho
het‘s mi dünkt es wärdi grad chli gar schwüeu im Zimmer
i cha verschtah - du - dass d‘s hesch müesse ha
so eine triffsch nid jede Tag im Läbe
u sini schwarze Haar u sini edli Hut hätte - säg mr nüt
sicher huere guet zu dire Bettwösch passt - momou
i weiss genau was d‘mr wosch säge
lue mir chöi guet no chli z‘Bilbao blibe
d‘Feria in Pamplona geit am 6. Juli los
i cha o eifach afe gah we d‘wosch allei sii mit dim Chummer
aber ei einzige Torero macht no lang ke Summer
mir chöi z‘Burguete gah Foräue fah
i würd säge zwodrei Schtung nei es isch nid so wit
we mir bi ziite göh morn Morge
i müesst is irgendwo zwo Ruete bsorge
lue dr Banderillero a dr Bar luegt scho die ganz‘ Zit
du seisch mir chönnte zäme eso glücklech sii
säg wei mr is nid no so zwe Martinis bschteue
mir chöi o süsch no nöime häre
lueg mi nid so a - du muesch mr nüt erkläre
es isch zum düreträiie schön wenn i mr‘s mängisch vorschteue
lue mir chöi guet no chli z‘Bilbao blibe
d‘Feria in Pamplona geit am 6. Juli los
i cha o eifach afe gah we d‘wosch allei sii mit dim Chummer
aber ei einzige Torero macht no lang ke Summer
Pamplona Lyrics performed by Züri West are property and copyright of the authors, artists and labels. You should note that Pamplona Lyrics performed by Züri West is only provided for educational purposes only and if you like the song you should buy the CD