Wenn du en et Fernsehn wills, ...jarkei Problem, dann mußte nur schräg sinn, berühmp oder schön. Wenn du nix zo saare häss, ...triff sich perfekt. Paar Phrase jenüje, maach einfach op nett un lääsch dich nie met dämm Jastjeber ahn, dämm Teleprompterjelenkte. Dä kann bestemme, wer ahnkütt, wer keine Stech kritt, wann bei ihm jelaach weed, un wann applaudiert, wer he jewennt un wer he verliert. Die nevven dir's achzehn un ei'ntlich zo deck, die hätt für et Guinessbooch ir'ndjet jestrick. Dä jä'növver hätt jraad en Serie jedrieht, 'ne Blinde ess mongoloid, wie mer sieht. Dä'm grauen Pullover's vun ir'ndner Partei - dä kennt mer, dä's en jeder Talk Show dobei, dä sprich immer druckreif, politisch korrekt. En Miss Silikon hätt noch janix jecheckt. Et heiß, die wööt nähx Johr als Weltstar entdeckt. Un obligatorisch ess einer pervers, 'ne Quotenexot, dä muß sinn - dat steht fess en der Talk Show. Spät nahx en der Talk Show. Diss Naach besste endlich en der Daily Late Night Show. Die Strickerin grins blöd, dä Serienheld lallt. Dä hätt jraad et dritte Mohl et selve verzallt. Em Publikum hällt wer'e T-Shirt en't Bild. En Batik steht do "Der Regenwald stirbt." Dä Graue's betroffe, die Miss ess schockiert. En Busladung Nonne uss Trier randaliert. Dä Serienheld schlööf jetz, dä Talkmaster schwaad. Du frööchs dich, ob du hück schon ei Woot jesaat. Nä, du un dä Sado, ihr wwoort noch nit draan. Dä Blinde's och taubstumm, säht suwiesu nix, dä's nur he für't Mitleid. Wat soo et? Hä sitz en der Talk Show. Spät nahx en der Talk Show. Diss Naach besste endlich en der Daily Late Night Show. Verjess, wer du bess un wofür du sons lääfs. Wat heiß he "Jeschmack"? Wat willste? Du bess en der Talk Show. Spät nahx en der Talk Show. Diss Naach besste endlich en der Daily Late Night Show
Talk Show Lyrics performed by BAP are property and copyright of the authors, artists and labels. You should note that Talk Show Lyrics performed by BAP is only provided for educational purposes only and if you like the song you should buy the CD